Të paktën 59 emigrantë, përfshirë 12 fëmijë, kanë vdekur dhe dhjetëra të tjerë dyshohet se janë zhdukur, pasi varka e tyre u mbyt në det të trazuar në jug të Italisë.
Varka u fundos derisa përpiqej të zbarkonte pranë Crotone të dielën. Në bord ishin emigrantë nga Afganistani, Pakistani, Somalia dhe Irani.
Një foshnje ishte mes të vdekurve, thanë zyrtarët italianë, shkruan BBC.
Ministri i Brendshëm, Matteo Piantedosi, i cili vizitoi vendin e ngjarjes, tha se deri në 30 persona mund të jenë ende të zhdukur.
Trupat u gjetën nga plazhi në një vendpushim bregdetar aty pranë në rajonin e Kalabrisë.
Roja bregdetare tha se 80 njerëz ishin gjetur të gjallë, “përfshirë disa që arritën të arrinin në breg pas fundosjes”.
Numri i saktë i personave që ndodheshin në varkën, e cila kishte lundruar nga Turqia disa ditë më parë, nuk është e qartë.
Punonjësit e shpëtimit i thanë agjencisë së lajmeve AFP se anija mbante “më shumë se 200 njerëz”, që do të thoshte më shumë se 60 njerëz të pagjetur.