Dorjeta Rukiqi nga Qendra Kosovare për Studime të Sigurisë (QKSS), ka thënë se publikimi i raportit të dytë të ankesës së barometrit të sigurisë për Ballkanin Perëndimor, ka trajtuar sigurinë publike dhe kërcënimet ndaj sigurisë ndërkombëtare.
“77 për qind e të anketuarve kanë thënë se ndihen të sigurt në shtëpitë e tyre, kurse të sigurt në shtetin e tyre ndihen 33 për qind e të anketuarve”, ka thënë Rukiqi.
Tutje, Rukiqi ka shtuar se pesë prej çështjeve që janë konsideruar si kërcënimet më të larta në komunitetet e tyre dhe për sigurinë publike janë: migrimi i profesionistëve dhe të rinjve, kafshët endacake, përdorimi i drogës, shërbimet shëndetësore dhe ngacmimi seksual.
“Në çështjen e sigurisë publike, i kemi trajtuar edhe çështje tjera”, ka shtuar ajo në emisionin FIVE në RTV Dukagjini, duke theksuar se për pandeminë COVID-19 e kanë bërë vetëm një përcjellje të situatës.
Ajo ka potencuar se në këtë edicion janë përfshirë pyetje edhe për dhunën në familje e për dhunën në baza gjinore.