Forca e Sigurisë së Kosovës (FSK) ka njoftuar se ushtarët e FSK-së në nderim të 25-vjetorit të “Epopesë së UÇK-së”, kanë formuar portretin e komandantit legjendar Adem Jashari.
“Në nderim të 25 vjetorit të “Epopesë së UÇK-së”, 784 Ushtarë të Kosovës, të rreshtuar në kazermën “ Adem Jashari” formuan portretin e Komandantit Legjendar Adem Jashari”, njofton FSK-ja.
“Epopeja e UÇK-së” është ngjarja me të cilën ne për tri ditë me radhë kujtojmë komandantin legjendar Adem Jashari dhe familjen e tij, të cilët u sakrifikuan për lirinë e Kosovës.
Gjatë këtyre ditëve nderohen të gjithë heronjtë, dëshmorët dhe martirët, të cilët luftuan gjatë viteve 1998-1999 në Kosovë.