Në një parashtesë në Gjykatën Ndërkombëtare të Drejtësisë, shteti gjerman ka thënë se Italia po e vazhdon lejimin e çështjeve në gjykatat e saj të brendshme, edhe pse në vitin 2012, kjo kërkesë e tepruar ishte e papranueshme.
Që nga ajo kohë thuhet se mbi 25 raste të reja janë depozituar në Itali, ku gjykatat kanë vendosur se Gjermanisë do t’i duhet të paguajë kompensim.
Pronat në Romë të cilat janë në pronësinë e shtetit gjerman, janë sekuestruar për të financuar pagesat e kompensimit, ku Berlini tashmë e ka paraqitur këtë ankesë, transmeton BBC, përcjell RTV Dukagjini.
Deri në muajin maj më datë 25, gjykata në Itali do të vendosë se a do të shiten disa ndërtesa, të cilat strehojnë institucione kulturore, historike dhe arsimore gjermane.
“Mosmarrëveshja daton që nga viti 2008, kur gjykata më e lartë e Italisë vendosi që Gjermania duhet të paguajë rreth 1 milion € (840,000 £) për të afërmit e nëntë personave që ishin në mesin e 203 të vrarëve nga forcat gjermane në Toskanë në vitin 1944.”
Pronat e shtetit gjerman me sa duket janë nxjerrë në ankand dhe për këtë shteti gjerman ka kërkuar nga gjykata që ta ndalojë Italinë.
Gjermania argumenton se tashmë ka paguar miliarda euro për vendet e prekura, nga Lufta e Dytë Botërore që nga përfundimi i konfliktit në 1945.
Roli kryesor i Gjykatës Ndërkombëtare të Drejtësisë me seli në Hagë, Holandë, e cila është organi kryesor gjyqësor i OKB-së, është zgjidhja e këtyre marrëveshjeve ligjore që shtetet kanë mes vete.