“Moment kritik”, Lajçak pret që dialogu të vendoset mbi politikat ditore partiake

I dërguari i posaçëm i BE-së për dialogun ndërmjet Kosovës dhe Serbisë, Miroslav Lajçak, pas vizitës dy ditore në Kosovë dhe takimeve me liderët e opozitës ka thënë se në këtë “moment kritik” pret që Dialogu të vendoset mbi politikat e përditshme partiake.

Gjatë ditës së premte, Lajçak u takua me të parin e PDK-së, Memli Krasniqin, kryetarin e LDK-së, Lumir Abdixhiku dhe kryetarin e AAK-së, Ramush Haradinajn.

“Në ditën dy në Kosovë u takova me liderët e partive kryesore opozitare për të shpjeguar Marrëveshjen, si dhe hapat e ardhshëm. Gjithashtu shpreha pritshmëri të qarta nga Komuniteti Ndërkombëtar për ta vendosur Dialogun mbi politikën e përditshme partiake, veçanërisht në këtë moment kritik”.

On day 2️⃣ in Kosovo, I met with the leaders of the main opposition parties to explain the Agreement, as well as next steps. I also voiced clear expectations of the International Community to put the Dialogue above daily party politics, in particular in this critical moment. pic.twitter.com/C2SUx6pK1y

— Miroslav Lajčák (@MiroslavLajcak) March 10, 2023

Gjithashtu, ai u taku edhe me përfaqësuesit e Listës Serbe, ku nëpërmjet një postimi në Twitter bëri të ditur se i ka informuar për dialogun Kosovë-Serbi dhe i ka dëgjuar vlerësimet e tyre për zhvillimet ne veri të Kosovës.

“Kam biseduar edhe me përfaqësuesit e Listës Serbe për t’i informuar për Dialogun dhe për të dëgjuar pikëpamjet dhe vlerësimet e tyre për zhvillimet në veri të Kosovës”, ka shkruar ai.

I also spoke to representatives of Srpska Lista to brief them on the Dialogue and hear their views and assessments of the developments in the north of Kosovo. pic.twitter.com/M6HEJQnNUm

— Miroslav Lajčák (@MiroslavLajcak) March 10, 2023

Edhe ministri i Punëve të Brendshme, Xhelal Sveçla, nuk mbeti pa u takuar me Lajçkun.

“Dhe më në fund programi im i ngarkuar më lejoi të takohem me Ministrin e Brendshëm të Kosovës, Xhelal Svecla. Puna jonë është e mbivendosur në shumë fusha. Kjo është arsyeja pse nënvizova rëndësinë e koordinimit dhe bashkëpunimit të ngushtë”, ka shkruar Lajcak në Twitter.

And finally my busy program allowed me to meet with Kosovo Minister of Interior @XSvecla. Our work is overlapping in many areas. This is why I underlined the importance of close coordination and cooperation. pic.twitter.com/155W3rlOp3

— Miroslav Lajčák (@MiroslavLajcak) March 10, 2023