Rusia ka bombarduar qytetin e Kharkiv-it në Ukrainë, si pjesë e fushatës së saj në lindje të vendit. Ndërsa, pretendon se “drafti i një traktati të mundshëm” mes dy vendeve është duke u diskutuar çdo ditë.
Administrata ushtarake rajonale e Kharkiv-it për Telegram ka thënë që një person është vrarë dhe pesë të tjerë janë plagosur “si rezultat i sulmeve të artilerisë dhe mortajave të armikut”.
Presidenti ukrainas, Volodymyr Zelenskiyy për bombardimet në Kharkiv ka thënëse se “Situata në Kharkiv është e vështirë. Por ushtria jonë, intelegjenca jonë ka shënuar sukses të rëndësishëm taktik”, transmeton “The Guardian”.
Forcat ukrainase kishin rimarrë një fshat të Ruska Luzova-së, “strategjikisht të rëndësishëm” dhe kishin evakuuar qindra civilë.
Një banore e Kharkiv-it, Antonia ishte kthyer në shtëpi por ajo gjeti një raketë që ishte përplasur në ndërtesën e saj dhe ishte vendosur në banjën e saj. Antonia ka thënë se gjithçka iste e shkatërruar dhe se gjendja ”ishte e frikshme”.
Pas dështimit rus për të mposhtur Kiev-in, Rusia ka intensifikuar bombardimet në rajonin lindor të Donbas-it. Një zyrtar i lartë i NATO-s ka thënë se Rusia kishte bërë vetëm përparime “të vogla” dhe të “pabarabarta” në përpjekjet e saj për të rrethuar pozicionet e armikut, ndërsa forcat ukrainase kundër-sulmoheshin.
Ministria e Mbrojtjes së Mbretërisë së Bahkuar, në raportin e saj të fundit të intelegjencës, ka thënë se Rusia është detyruar të bashkojë dhe ridislokojë njësitë nga përparimet në veri-lindje të Ukrainës.