Sapo kanë përfunduar turnetë vendor të organizuar nga Federata eSports Kosova, ku skuadrat garuan në tri video-lojëra të ndryshme.
Gjithsej tre turne kualifikues për ta mësuar se kush do ta përfaqësoj Kosovën në gara të ndryshme, u organizuan në CS:GO, Dota 2 dhe eFootball.
Lojtari që do ta përfaqësoj Kosovën në video-lojën eFootball, është Genci “Genci45” Shala.
Ndërkaq në CS:GO dhe Dota 2, garuan skuadrat më të mira të vendit, ku vetëm skuadrat fituese do të jenë ato që do të kenë mundësi të garojnë në Kampionatin Botëror.
Turneun e Dota 2 e fitoi, Team Kosova me përbërje: Cpirra, Noki, weatherbeaten, FLLO, Sadpk.
Ndërsa turneun e CS:GO e fitoi ekipi Mix Team me përbërje: v1w, cerber, gejmzilla, Makaze, ammar.
Fituesit e turneve do të kenë mundësi ta përfaqësojnë Kosovën në garat regjionale, si dhe do të mund të kualifikohen në Kampionatin Botëror në Iasi, Rumani.