Kryetari i AAK-së, Ramush Haradinaj ka thënë se janë tri objektiva “të rëndësishme” që duhet t’i arrijë Kosova qysh në fazën e parë të implementimit të marrëveshjes kornizë për normalizimin e marrëdhënieve me Serbinë.
“E para, ta arrijë partneritetin për paqe si fazë e parë e anëtarësimit në NATO”, ka shkruar Haradinaj.
“Të rikthehet në agjendën integruese evropiane, duke e rikthyer edhe procesin e njohjeve të reja për shtetin e Kosovës”, ka shkruar tutje kreu i AAK-së.
“Ta rivendosë rendin dhe ligjin në veri dhe mbajtjen e zgjedhjeve lokale atje!”, ka theksuar Haradinaj.
Sipas kreut të AAK-së, krahas obligimeve të marra, “këto duhet të jenë prioritetet e Qeverisë në fazën e parë të implementimit të marrëveshjës së Ohrit!”.