Policia e Kosovës ka njoftuar se është identifikuar dhe arrestuar një i dyshuar për “Zjarrvënie” në Prizren.
Të enjten e 30 prillit, policia ka marrë informacione se në rrugën “William Walker” në Prizren, ka ndodhur një zjarrvënie.
Nga zjarri është djegur një pjesë e një lokali afarist (dyqan lulesh), vlera e dëmit sillet rreth 5000 euro, sipas ankuesit.
Policia ka arritur të sigurojë prova dhe dëshmi e në mes e tyre edhe një videoincizim, ku shihet një i dyshuar mashkull i paidentifikuar, i cili me qëllim ia vë flakën lokalit në fjalë dhe largohet me vrap nga vendi i ngjarjes.
Lidhur me rastin, përmes policisë hetuese, është njoftuar prokurori i shtetit, i cili udhëzon që të hapet rast për “Zjarrvënie”.
“Me datë 03.04.2023 rreth orës 14:00, pas një pune të suksesshme hetimore, është identifikuar dhe është i dyshuari i rastit ‘Zjarrvënie’ (A.K. 20 vjeç ) dhe me aktvendim të prokurorit, i njëjti ndalet në ndalim policor për 48 orë”, thuhet tutje në njoftim.