Ish-kryeministri i Kosovës, Avdullah Hoti, ka theksuar se është shqetësuese ta dëgjosh nga mazhoranca se KEK-u ka realizuar fitim në vitin 2022 për 61% më të lartë se vitin paraprak.
Hoti ka vazhduar dhe ka bërë pyetjen se pse është rritur dy herë çmimi i energjisë.
“Për të rritur fitimet e KEK-ut? Normalisht, çmimi i energjisë që caktohet nga ZRrE-ja duhet të mbulojë shpenzimet e operimit dhe investimet e nevojshme nga ndërmarrjet e energjisë, e jo fitimet e tyre”, ka shkruar Hoti në rrjetin social Facebook.