Ambasada e ShBA-së: Gjetja e përgjigjeve për familjet e të zhdukurve duhet të jetë prioritet

Ambasada e Shteteve të Bashkuara të Amerikës (SHBA) në Kosovë ka thënë se gjetja e përgjigjeve për familjet e të zhdukurve duhet të jetë prioritet.

Me anë të një postimi në Twitter, nga ambasada kanë thënë se sot janë në përkrahje të anëtarëve të viktimave që akoma nuk kanë përgjigje.

“Në Ditën Kombëtare të Personave të Zhdukur të Kosovës, ne qëndrojmë me anëtarët e familjes që ende – dekada më vonë – nuk e dinë se çfarë ka ndodhur me të dashurit e tyre të zhdukur. Gjetja e përgjigjeve që sigurojnë mbyllje për familjet e të zhdukurve duhet të jetë prioritet”, thuhet në postim.

Kryeministri i Kosovës, Albin Kurti, të enjten e 27 prillit ka bërë homazhe te përmendorja dedikuar personave të zhdukur me dhunë gjatë luftës.

Pas homazheve, Kurti para mediave i ka bërë thirrje Prokurorisë së Shtetit, Prokurorisë Speciale, që dëshmitë e krimeve të luftës të shndërrohen në aktakuza për secilin përgjegjës, në mënyrë që të njëjtit të gjykohen e të dënohen.

“Nuk ka ditë më duhur sesa 27 prilli për t’i bërë thirrje prokurorisë së shtetit që ata mijëra dëshmi që i kemi për krimet e kryera të luftës të shndërrohen në aktakuza për ata përgjegjës të cilët sikurse në Kroaci edhe në Kosovë do të mund të gjykohen e të dënohen”, ka thënë ai.

Ndërkaq, Kurti ka thënë se në takimin e 2 majit në Bruksel, pret që çështja e të pagjeturve të trajtohet me urgjencë.

Kurti në Masakrën e Mejës: Kërkojmë mbështetjen ndërkombëtare për zbardhjen e këtyre krimeve

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika