I dërguari i posaçëm i Bashkimit Evropian për dialogun Kosovë-Serbi, Miroslav Lajçak pas takimit me kryeministrin, Albin Kurti në Forumin Ekonomik në Delphi ka thënë se takimi i 2 majit në Bruksel do të jetë një hap vendimtar për të përparuar tutje.
Përmes një postimi në Twitter, emisari evropian ka thënë se është e rëndësishme të shmanget çdo veprim që mund ta përkeqësojë situatën.
“Theksova rëndësinë e takimit të Dialogut më 2 maj. Do të jetë një hap vendimtar përpara dhe është e rëndësishme të shmanget çdo veprim që mund të përkeqësojë atmosferën”, ka shkruar Lajçak në Twitter.
At #delphiforum in my meeting with PM @albinkurti, I stressed the importance of the Dialogue meeting on 2 May. It will be a crucial step forward and it’s important to avoid any actions that could worsen the atmosphere. pic.twitter.com/0H95cFjqPF
— Miroslav Lajčák (@MiroslavLajcak) April 28, 2023
Ndërkaq Kurti pas këtij takimi ka thënë se Marrëveshja Bazë duhet të zbatohet e plotë, pa vonesa dhe pa kushtëzime.
Kurti takon Lajçakun: Marrëveshja bazë të zbatohet pa parakushte e vonesa