Analisti Lirim Mehmetaj beson se në takimin e nesërm në Bruksel mes kryeministrit Kurti dhe presidentit Vuçiq, të dy palët do të diskutojnë se çfarë nënkuptojnë me marrëveshjen që e kanë arritur paraprakisht.
“Patjetër do të prezantohet statuti, patjetër po besoj se do të refuzohet nga pala kosovare”, ka thënë Mehmetaj duke shtuar se nuk e sheh një ‘skenar realist’ ku një grup deputetësh i kryesuar nga serbët në krye me deputeten e Parlamentit të Serbisë, të prezantojë një statut që është kujdesur të jetë brenda kushtetueshmërisë së Kosovës.
“Madje ai do të prezantohet si provokim besoj unë më shumë sesa një dëshirë për zgjidhje”, ka thënë tutje Mehmetaj në “Debat Plus“.
Të martën e 2 majit, kryeministri i Kosovës Albin Kurti dhe presidenti i Serbisë Aleksandër Vuçiq, do të takohen në Bruksel në kuadër të dialogut Kosovë – Serbi.