Mehmeti: Jam i sigurt se do ta fitojmë rastin në arbitrazh

Guvernatori i Bankës Qendrore të Kosovës, Fehmi Mehmeti, në emisionin “Five” të RTV DUKAGJINIT, ka thënë se është i sigurt se rasti në arbitrazh ndaj “Monegos”, do të jetë në favor të Kosovës. Mehmeti ka theksuar se kanë dërguar prova të mjaftueshme në Gjykatën e Arbitrazhit

Guvernatori i Bankës Qendrore të Kosovës, Fehmi Mehmeti

Guvernatori i Bankës Qendrore të Kosovës, Fehmi Mehmeti, është shprehur i sigurtë se Kosova do ta fitojë rastin e arbitrazhit ndaj institucionit financiar jobankar “Monego”.

Mehmeti ka theksuar se “Monego”, deri më tash i ka humbur te gjitha rastet në gjykatat e Kosovës, dhe sipas tij procesi në arbitrazh do jetë në favor të shtetit të Kosovës.

“Kemi pasë dy raste të tilla, njëra prej tyre “Monego” i ka bërë gjitha ankesat dhe i ka humbë të gjitha rastet, ne i kemi mbikëqyr prej afër, kemi marrë masa të vazhdueshme. Jemi ballafaqu në arbitrazh, me dëshmitë tona me faktet që i kemi pas, jemi shumë të sigurt që procesi do të fitohet, 99.9 % do të vendoset në favor të shtetit të Kosovës”, ka deklaruar ai në emisionin Five.

Guvernatori i Bankës Qendrore të Kosovës, Fehmi Mehmeti

Në vitin 2019, Banka Qendrore e Kosovës (BQK), kishe marrë vendim për revokimin e licencimit për dy institucionet mikrofinanciare “IuteCredit” dhe “Monego”.

Arsyetimi i BQK-së, thoshte se këto dy institucione mikrofinanciare aplikuan normë të lartë të interesit në kredi, duke dalë kështu jashtë planit që kishin paraparë.

“Normat e interesit që kanë aplikuar këto institucione janë jashtë çdo standardi”, kishte deklaruar, Guvernatori i Bankës Qendrore të Kosovës,  Fehmi Mehmeti.

Pas këtij vendimi, “Monego”, e kishte paditur BQK-në, por që nuk e kishte fituar asnjë rast. Tashmë rasti gjendet në Gjykatën e Arbitrazhit.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika