Policia e Kosovës ka njoftuar se një grua është sulmuar me thikë në Prishtinë, pasi ka tentuar ta ndalë rrahjen në mes të bashkëshortit të saj dhe dy burrave të tjerë.
Goditja me thikë, sipas njoftimit, ka qenë në dorë, kështu duke i shkaktuar lëndime trupore. Pas kësaj, gruaja ka marrë tretman mjekësor, teksa bëhet e ditur se njëri nga të dyshuarit është arrestuar, kurse tjetri mbetet në arrati.
“Ankuesja kosovare ka raportuar në polici se derisa ka ndërhyre për ti ndarë gjatë një rrahje burrin të saj dhe dy të dyshuar meshkuj kosovar njëri nga të dyshuarit e ka goditur me thikë në dorë duke i shkaktuar lëndime trupore. Viktima është dërguar për trajtim mjekësor. Njëri nga të dyshuarit është arrestuar dhe me vendim të prokurorit është dërguar në mbajtje, ndërsa i dyshuari tjetër gjendet në arrati”, thuhet në njoftim.
Ngjarja ka ndodhur në rrugën “Mustafë Kruja” në Prishtinë.