Ndonëse fillimisht u pengua ta mbante fjalimin si kryetar i ri i Zveçanit, Ilir Peci, brenda Kullës së Isa Boletinit, më pas u lejua.
Gazmend Boletini, pasardhësi i Isa Boletinit kundërshtoi që fjalimi i kryetarit të ri të komunës së Zveçanit, Ilir Peci, pas betimit si kryetar të mbahet brenda Kullës së Isa Boletinit, por më pas lejoi.
Është konfirmuar se deri më tani nuk ka pasur ndonjë përfaqësues serb të interesuar për t’u bërë pjesë e Kabinetit të Kryetarit apo të udhëheqë drejtori në Komunën e Zveçanit.
Pas ceremonisë së betimit, Selvete Kelmendi, nga Partia Demokratike e Kosovës, është zgjedhur kryesuese e Kuvendit Komunal, ndërkaq nënkryetari nuk është zgjedhur.
Objekti në të cilin do të jetë zyra e kryetarit të ri, shërben si zyrë për Komunite dhe Kthim dhe ndodhet në fshatin Lipë, ngjitur me fshatin Boletin.
Ndryshe, kryetari i ri i komunës së Zveçanit, Ilir Peci, më 25 maj ka bërë betimin, procedurë kjo solemne për të marrë detyrën si kryetar.
Kjo ceremoni është zhvilluar në shkollën e fshatit Boletin, përkatësisht në shkollën fillore “Isa Boletini”.
Në objektin e shkollës ku u betua kryetari i ri, janë vendosur flamuri i Republikës së Kosovës dhe ai kombëtar.