Kryeministri i Shqipërisë Edi Rama, ka reaguar pas tensionimit të situatës në veri të Kosovës, ku e ka ka thënë se kjo situatë e dëmton procesin e dialogut ndërmjet Kosovës dhe Serbisë.
Më tej Rama e ka quajtur të pa nevojshme aksionin e Policisë së Kosovës në veri dhe bashkohet në thirrjen e Shteteve të Bashkuara të Amerikës.
“Unë bashkohem me ta në apelin[ e SHBA-së] për të mos ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin [e raporteve], njohjen e ndërsjellë mes Kosovës dhe Serbisë.
”
“A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar!”, ka shkruar i pari i Qeverisë e Shqipërisë Edi Rama në Twitter.
A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar!
— Edi Rama (@ediramaal) May 26, 2023