Një ditë pas ndeshjeve të zhvilluara në kuadër të Superligës së Kosovës, dy prej ekipeve, Prishtina me Trepçën 89 dhe Ferizaji me Dukagjinin, kanë pësuar procedura hetimore nga Këshilli për Parandalimin e Dhunës në Sport.
Këto hetime janë ndërmarrë pas dyshimeve dhe spekulimeve lidhur me disa dyshime rreth ngjarjeve që ndodhën në fushë.
Kështu ka njoftuar zëvendësministrja e Kulturës, Rinisë dhe Sportit, Daulina Osmani, e cila ka reaguar ndaj kësaj situate dhe ka bërë një deklaratë për media.
Ajo ka thënë se nuk mund të mbyllen sytë para dyshimeve dhe spekulimeve, por gjithashtu nuk duhet të jemi pre e tyre.
Osmani ka bërë thirrje për autoritetet dhe personat përgjegjës të organeve të rendit që të vazhdojnë me hetimet në mënyrë të kujdesshme dhe të shpejtë.
Po ashtu, ajo ka shprehur shqetësimin e saj për imazhin e sportit në vend, duke thënë se është e dhimbshme kur ky imazh njolloset me shenja që shkaktojnë dëme të thella dhe të vështira për t’u riparuar në komunitet.
Osmani ka theksuar se sporti duhet të jetë i sportistëve dhe atyre që punojnë për rezultate të mira. Ajo gjithashtu ka shtuar se kalkulimet dhe përfitimet mbi djersën dhe mundin e sportistëve nuk duhet të kenë vend në sportin vendor në asnjë formë dhe asnjë moment.