Të mërkurën, Unioni Evropian i Transmetuesve ka njoftuar se 41 shtete do të konkurrojnë në “Eurovision Song Contest 2022”.
Shqipëria do të hapë natën e parë të Eurovisionit me Ronela Hajatin dhe debutimin e këngës “Sekret”.
Festivali po mbahet në Itali për herë të parë në tri dekada pasi grupi i Romës, Maneskin fituan edicionin e sivjetmë në maj me këngën “Zitti e buoni”.
Konkursi i 66-të do të mbahet në arenën PalaOlimpico në Torino më 10, 12 dhe 14 maj.
39 vendet që morën pjesë në konkursin 2021 rikthehen sërish, ku është shtuar Mali i Zi dhe Armenia.
Unioni Evropian i Transmetuesve (EBU) kishte njoftuar se Rusia nuk do të marrë pjesë në Eurovisionin e këtij viti si pjesë e sanksioneve ndaj këtij shteti pas invazionit ushtarak në Ukrainë.
Bordi Ekzekutiv i EBU-së kishte marrë vendimin pas një rekomandimi nga organi drejtues i Eurovision Song Contest, Grupi Referues, bazuar në rregullat e ngjarjes dhe vlerat e EBU.