Mjekë ushtarakë nga Hungaria udhëtojnë për në Kosovë

Ekipi i mjekëve ushtarakë nga Hungaria ka udhëtuar për në Kosovë për të ofruar kujdes mjekësor dhe rikthyer në shtëpi ushtarët hungarezë të KFOR-it që u plagosën gjatë përleshjeve me protestuesit serbë në Zveçan

Disa ushtarë të plagosur të KFOR-it dërgohen në Spitalin Amerikan në Prishtinë, 29 maj 2023.

Një ekip i mjekëve ushtarakë tashmë ka udhëtuar nga Hungaria për në Kosovë, për t’u kujdesur dhe kthyer në shtëpi ushtarët hungarezë të KFOR-it, që janë plagosur gjatë përleshjeve në Zveçan me protestuesit serbë.

Kështu ka raportuar Shërbimi i Hungarisë i Radios Evropa e Lirë.

Ministri i Jashtëm hungarez, Peter Szijjarto, ka thënë se të plagosurit nuk janë në rrezik për jetën.

Tre ushtarë hungarezë të KFOR-it janë plagosur nga përdorimi “i armëve të zjarrit” gjatë përplasjeve me protestuesit serbë, të hënën në Zveçan, bëri të ditur misioni paqeruajtës i NATO-s.

Në njoftimin dërguar mediave thuhet se tre ushtarët “nuk kanë plagë vdekjeprurëse”.

Në përleshjet e një dite më parë u plagosën gjithsej 30 ushtarë të KFOR-it: 19 hungarezë dhe 11 italianë.

KFOR-i ka thënë se dhuna e së hënës në Zveçan ishte e “paprovokuar”.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika