Ish-kryenegociatorja e Kosovës në dialogun me Serbinë, Edita Tahiri, ka kërkuar dorëheqjen e shefit të diplomacisë së Bashkimit Evropian, Josep Borrell, dhe emisarit special të BE-së për dialogun Kosovë-Serbi, Miroslav Lajçak.
Sipas Tahirit, arsyeja pse Borrelli dhe Lajçaku duhet të japin dorëheqje është se këta të fundit në vend të paqes, kanë sjellë dhunën e kriminelëve të Vuçiqit kundër paqeruajtësve të NATO-s në Kosovë.
“Në vend që të krijonin marrëdhënie paqësore fqinjësore, ata përfunduan duke sjellë dhunën e kriminelëve të Vuçiqit kundër paqeruajtësve të NATO-s në Kosovë”, ka shkruar Tahiri në Twitter.
“Josep Borrell dhe Miroslav Lajçak duhet të japin dorëheqjen menjëherë si ndërmjetësuesit e BE-së për paqen mes Kosovës dhe Serbisë”, ka përfunduar ajo.
@JosepBorrellF and @Miroslavlajcak should resign immediately as @EU‘ mediators for peace between🇽🇰🇷🇸. Instead of brining peaceful neighborly relations they ended up bringing @avucic ‘ criminals’ violence against @NATO_KFOR peacekeepers in #Kosovo
— Edita Tahiri (@EditaTahiri) May 30, 2023