Kosova është e hapur ndaj mundësisë së zgjedhjeve të reja në katër komuna veriore, por para kësaj duhet të ndërmerren hapa të tjerë, ka thënë të martën ministrja e Jashtme e Kosovës, Donika Gërvalla-Schwarz.
Ministrja Gërvalla, duke folur pas takimit me ministrin e jashtëm çek në Pragë, tha se fundi i dhunës ishte kushti i parë për të konsideruar zgjedhje të reja.
“Po, ne jemi të hapur për zgjedhje në këto katër komuna, por për të pasur zgjedhje të reja na duhen hapa në mes”, tha ajo.
Ajo tha se Kosovës i duhet gjithashtu “një angazhim nga Serbia se ata nuk do të kërcënojnë më qytetarët serbë të Kosovës që të mos marrin pjesë në zgjedhje”, shkruan Reuters.
Ndryshe, ministrja Gërvalla, për takimin me homologun e saj çek ka shkruar edhe në Twitter.
“Ngrohtësia dhe mikpritja reflektojnë një marrëdhënie të veçantë mes dy vendeve tona. Thellimi i lidhjes sonë do të forcojë Perëndimin dhe Bashkimin Evropian në një kohë kritike”, ka shkruar ajo.
Thrilled about the talks with my friend and colleague @JanLipavsky during my
visit to the 🇨🇿 Czech Republic.The warmth and hospitality reflect a special relationship between our two countries. Deepening our bond will strengthen the West and 🇪🇺 at a critical time. 🇨🇿🤝🇽🇰 pic.twitter.com/mlySKqKGlE
— Donika Gërvalla-Schwarz (@gervallaschwarz) June 6, 2023
Në anën tjetër, Lipavsky ka shprehur shqetësimin e tij lidhur me zhvillimet e fundit në veri të vendit.
Ai ka thënë se të dy palët duhet të bëjnë përpjekje për të ulur tensionin.
“Shpreha shqetësimin për përshkallëzimin e fundit të situatës në veri të Kosovës. Prishtina dhe Beogradi duhet të bëjnë çdo përpjekje për të zbutur tensionin”, shkroi ai.
Vyjádřil jsem také znepokojení nad nedávnou eskalací situace na severu Kosova. Priština i Bělehrad musí učinit maximum pro zklidnění napětí. pic.twitter.com/ZkNz8PO41u
— Jan Lipavský (@JanLipavsky) June 6, 2023