Trajneri i mirënjohur kosovar, Bylbyl Sokoli, ka thënë se për dy ndeshjet e qershorit kanë mundur të ftohen Lumbardh Dellova dhe Ilir Krasniqi.
“Dardanët” do të zhvillojnë dy takime shumë të rëndësishme për kualifikimet e EURO 2024 ndaj Rumanisë dhe Bjellorusisë, më 16 dhe 19 qershor.
Sipas Sokolit, në listën e 24 futbollistëve kanë mundur të jenë edhe Dellova dhe Krasniqi. Ai përmendi gjithashtu Mirlind Dakun dhe Arbër Hoxhën.
“Prezent është dashur me qenë edhe Daku, edhe Hoxha, ndoshta edhe Dellova. Ka mundur të jetë edhe Ilir Krasniqi, pasi është me të vërtetë një futbollist me potencial. Ka edhe futbollistë të tjerë që mund të jenë prej kampionatit të Kosovës prezent aty,” tha “Profa”.
“Së paku t’i motivojmë futbollistët të cilët në një të ardhme do të mbrojnë ngjyrat e Përfaqësueses së Kosovës,” nënvizoi ai.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.