Në emisionin ‘Dueli Sportiv’ në RTV Dukagjini po vazhdon diskutimi rreth Kombëtares së Kosovës në futboll.
Trajneri i Ferizajt, Ismet Munishi, ka thënë se futbollistët ‘dardan’ meritojnë një trajner më të mirë sesa Alain Giresse.
“Luftuan djemtë tanë, çdo ndeshje po luftojnë, meritojnë përkrahje. A meritojnë trajner më të mirë që i udhëheq? Edhe këtë e meritojnë,” tha ai.
Tutje, trajneri i mirënjohur potencoi se është dashur të inkuadrohet anësori i CFR Cluj, Ermal Krasniqi.
“Është dashur në fund të inkauadrohet Ermal Krasniqi sepse është lojtar që depërton në zona të ngushta,” theksoi Ismet Munishi.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.