Deputeti i PDK-së, Hisen Berisha, në emision “FIVE’ në RTV Dukagjini ka thënë se koordinimi me faktorin ndërkombëtar, specifikisht, me Shtetet e Bashkuara të Amerikës “është vetë ligjshmëria në Kosovë”.
Berisha, këto i tha në lidhje me mos-koordinimin e kryeministrit të Kosovës, Albin Kurti, për vendimet e fundit që i ka marrë në lidhje me situatë në veri me ShBA-të dhe partnerët e tjerë ndërkombëtar të Kosovës.
“…Kryeministri po qëndron, edhe unë e mbështes, por ku po na çon qëndrimi, në sanksione, nga kush, nga ai që të ka krijuar. Koordinimi me ndërkombëtarët është ligjshmëria. Koordinimi me SHBA është vetë ligjshmëria në këtë vend. Se nganjëherë ligjshmërinë dhe kushtetutshmërinë dhe drejtësinë përcakton forca dh fuqia. Ne jemi në një rrethanë të tillë ku forca duhet ta luajë rolin e vetë. Dhe forca nuk e ka Kosovën, pr e ka partneri ynë, që na ka ndihmuar ta fitojmë lirin, bëjmë pavarësinë, dhe ta fuksionalzojnë shtetin, janë ShBA-të”, ka thënë Berisha.