Ish-kryetari i Komisionit për Demarkacion, Shpejtim Bulliqi, ka thënë se në kohën kur ka qenë kryetar i atij komisioni kanë bërë punë të mëdha.
Duke folur për marrëveshjen e nënshkruar nga dy ish presidentët të Kosovës dhe Malit të Zi, ka thënë se nuk është tërësisht e pavlerë dhe se institucionet duhet të dinë si ta vlerësojnë atë.
“Duhet marrë për bazë nënshkrimin e dy presidenteve që duhet të rishikohet sektori i Kullës dhe Çakorrit”, ka thënë ai.
Tutje Bulliqi është shprehur se duhet të krijohet prapë një trupë punuese për t’u marrë me çështjen e demarkacionit mes Kosovës dhe Malit të Zi.
“Puna e parë që duhet bërë është duhet legjitimu trupën punuese, disa kanë vdekë disa kanë shku në pënsion disa janë tërhjekë, për shkak të neglizhimit për mundësinë për me punu”, ka deklaruar Bulliqi.
Në fund Bulliqi, tha se Qeveria e Kosovës nuk duhet që në këtë moment ta rihapë çështjen e demarkacionit, sipas tij kjo duhet të bëhet në një moment më të përshtatshëm.