Deputetja nga radhët e Partisë Demokratike të Kosovës (PDK), Ganimete Musliu ka deklaruar se Kodi Civil është provë evidente se brenda grupit parlamentar të Lëvizjes Vetëvendosje (LVV) ka pakënaqësi.
Në “Debat Plus” të RTV Dukagjini, Musliu paralajmëroi se nga LVV-ja do të ketë largime të reja të deputetëve.
“Pakënaqësitë brenda grupit parlamentar të LVV-së janë evidente për vet faktin që ende nuk ka guxim të procedojë me kodin civil. Ky është treguesi më i mirë që nuk do asnjë koment, mos të flasim për tjera nisma ligjore që i kanë kundërshtuar deputetët e LVV-së. Ne nuk kemi hasmëri me ta, kemi kundërshtime politike e partiake por jo hasmëri. Jemi në kontakt të vazhdueshëm dhe i diskutojmë këto gjëra…”, ka deklaruar ajo.
Tre deputetë nuk janë më sepse sipas Musliut, Kurti nuk mundet të durojë zërin kritik.
Musliu pati kritika edhe për punën e Kurtit në Kuvendin e Republikës së Kosovës duke thënë se i njëjti, ka defunksionalizuar teknikën e tij.
“Albin Kurti sot, qe dy vjet e gjysmë, e ka defunksionalizu teknikën e Kuvendit. Asnjë vendim që merret nuk dihet kush qysh e ka votua. Si të bllokohet, thonë e ka blloku opozita…”, ka deklaruar ai.