Instituti Hidrometeorologjik i Kosovës (IHMK), ka publikuar një komunikatë të mërkurën, duke dhënë rekomandime për qytetarët se si të reagojnë gjatë shkarkimeve të shpeshta të rrufeve në Kosovë.
Instituti ka vënë në dukje rrezikun e rrufeve dhe ka dhënë udhëzime specifike për të minimizuar këtë rrezik.
Në rekomandimet e tyre, IHMK ka theksuar se gjatë stuhive është e rëndësishme të sigurohen të gjitha pajisjet ose objektet që mund të fluturojnë si rezultat i erës ose shiut të fortë.
Kështu, ata rekomandojnë që dyert dhe dritaret të mbyllen për të parandaluar dëmtimin e objekteve të brendshme.
Po ashtu, ata sugjerojnë të shmangen kontaktet me rubinetet e kuzhinës dhe banjës, si dhe me radiatorët dhe objektet metalike të tjera, pasi ato janë përçues të mirë të rrufeve.
Përveç kësaj, Instituti Hidrometeorologjik rekomandon që njerëzit të qëndrojnë larg shtyllave të larta, për të minimizuar rrezikun e goditjes nga rrufët.
Ata gjithashtu sugjerojnë që të shmangen ndërtesat dhe makinat, nëse ato nuk ofrojnë siguri të mjaftueshme si strehim.
Pemët e larta gjithashtu duhet të shmangen nëse një person gjendet në pyll gjatë rrufeve.
Për të marrë të gjitha rekomandimet e plotë të IHMK-së, konsultoni listën më poshtë.
