Profesori, Nexhmedin Spahiu, në “FIVE” në RTV Dukagjini ka folur rreth tubimit përkujtimor që do mbahet me rastin e 28-vjetorit të masakrës së Srebrenicës (Bosnjë dhe Hercegovinë), në kryeqytetin e Kosovës, në Prishtinë, të hënën(sot) e 10 korrikut, me fillim nga ora 20:00.
Ky tubim përkujtimor, që do të mbahet në amfiteatrin e Institutit të Historisë, organizohet nga Spahiu dhe zëvendëskryeministrja e Kosovës, Emilja Rexhepi.
Sipas Spahiut, do të ishte turp për Kosovën nëse nuk do të mbushet salla në nderim të viktimave të Srebrenicës.
“…Dhe, ajo çka do të ishte me qenë gjëja me e keq që t’i ndodhte Kosovës, do të ishte të mos mbushej salla. Gjë që nuk besoj, por, do të ishte një gjë e turpshme për neve, për popullin e Kosovës sidomos në ketë kohë me ndodhë një gjë e tillë. Unë shpresoj që nderim do të bëhen në mënyrë më të mriz të mundshëm këtyre viktimave të Srebrenicës. Dhe, mesazhi i cili përçohet jo vetëm në drejtim të Bosnjës dhe boshnjakëve, por, përçohet edhe mesazhi ndaj të tjerë, popujve për rreth, edhe ndaj Serbisë”, ka thënë Spahiu.