Asociacioni i Komunave të Kosovës nuk e ka pranuar zyrtarisht kërkesën për anëtarësim nga komuna e Mitrovicës së veriut, ka bërë të ditur drejtori i këtij institucioni, Sazan Ibrahimi.
Ai ka sqaruar se përveç kërkesën fillestare, pas miratimit nga Kuvendi Komunal i Mitrovicës së veriut, ende nuk kanë pranuar asnjë njoftim se ajo është shqyrtuar nga Ministria.
Ibrahimi shton se në bazë të ligjeve në fuqi, Ministria e Administrimit të Pushtetit Lokal duhet që ligjshmërinë e vendimit e më pas komuna ta përcjellë atë për Asociacion.
Ai është i bindur se Ministria do të marrë vendim pozitiv, dhe se më pas Bordi dhe Kuvendi i Asociacionit do ta shqyrtojnë kërkesën për anëtarësim.
“Ne kemi kuptuar që Kuvendi Komunal i Mitrovicës së veriut e ka marrë vendimin, ku ka shpallur gatishmërinë për anëtarësim në Asociacionin e Komunave të Kosovës, mirëpo rregullat janë që çdo vendim i Kuvendit Komunal duhet të dërgohet në Ministrinë e Administrimit të Pushtetit Lokal për shqyrtim të ligjshmërisë. Tash nuk e di se çka ka ndodhur në këtë relacion dhe ne jemi të hapur po as ta pranojmë këtë kërkesën zyrtare, të cilën ai ka dhënë dritën e gjelbër edhe Ministria, Bordi i Asociacionit do ta shqyrtojë kërkesën, pastaj Kuvendi do të marrë vendim sa i përket kësaj çështje, d.m.th zyrtarisht ende kemi pranuar një kërkesë nga Mitrovica e veriut, përveç kërkesën fillestare ku ka treguar gatishmërinë për anëtarësim në Asociacion, dhe ne po atë ditë, ia kemi dhënë përgjigjen se çfarë hapa duhet ndjekur komuna e Mitrovicës në mënyrë që të anëtarësohet”, ka thënë Ibrahimi.
Kuvendi Komunal i Mitrovicës së veriut më 30 qershor ka votuar për bashkim në Asociacionin e Komunave të Kosovës.