Policia e Kosovës ka njoftuar për dy raste të vdekjes brenda 24 orëve. Rastet e cilësuara si “hetim mbi vdekjen”, raportohet të kenë ndodhur në Obiliq dhe Matiqan.
Në raportin 24-orësh të policisë thuhet se në rastin e parë, në Obiliq, njësitë policore pas marrjes së informatës nga dëshmitarja se viktima mashkull kosovar nuk është duke u përgjigjur në telefon, së bashku me njësinë e zjarrfikësve, me forcë kanë hapur derën e banesës së viktimës dhe të njëjtin e kanë gjetur në shtrat pa shenja jete.
Me urdhër të prokurorit, trupi i pajetë i viktimës është dërguar në IML për obduksion
“Njësitë policore pas marrjes së informatës nga dëshmitarja, se viktima mashkull kosovar nuk është duke u përgjigjur në telefon, së bashku me njësinë e zjarrfikësve, me forcë kanë hapur derën e banesës së viktimës dhe të njëjtin e kanë gjetur në shtrat pa shenja jete, vdekjen e të cilit e ka konstatuar mjeku. Me urdhër të prokurorit trupi i pajetë i viktimës është dërguar në IML për obduksion”, thuhet në raport.
Në rastin e dytë, në Matiqan, është raportuar se viktima është gjetur pa shenja jete në shtëpinë e tij.
Me vendim të prokurorit trupi i pajetë është dërguar në IML për obduksion.
“Është raportuar se viktima mashkull kosovar në shtëpinë e tij është gjetur pa shenja jete. Njësitë relevante kanë dalë në vendin e ngjarjes. Mjeku kujdestar ka konstatuar vdekjen e viktimës. Me vendim të prokurorit trupi i pa jetë është dërguar në IML për obduksion”, thuhet në raport.