“Perëndimi ka shpallur një ‘luftë hibride totale’ kundër Rusisë dhe është e vështirë të parashikohet se sa do të zgjasë”, ka thënë ministri i jashtëm i Moskës.
Sergei Lavrov ka thënë se pasojat e luftës në Ukrainë do të ndihen në mbarë botën.
Por, duke folur për sanksionet ndaj Rusisë, ai ka theksuar “Politikanët perëndimorë duhet të kuptojnë se përpjekjet e tyre për të izoluar vendin tonë janë të kota”.
Ai vazhdoi të akuzonte vendet perëndimore për vjedhjen e pasurive të vendeve të tjera, dhe për humbjen e reputacionit të tyre si partnerë të besueshëm.
“Në të ardhmen, ekonomia botërore do të deamerikanizohet,” ka thënë ai, raporton Sky Neës.
Të shtunën e 14 majit, presidenti rus Vladimir Putin paralajmëroi liderin finlandez se braktisja e neutralitetit do të ishte një “gabim”, dhe se nuk ka kërcënime të sigurisë për kryeqytetin e saj, Helsinki.
Në përgjigje, Sauli Niinisto i ka thënë zotit Putin se kërkesat e tij që vendet të shmangin anëtarësimin në NATO, së bashku me pushtimin e Ukrainës, kanë ndryshuar mjedisin e sigurisë në Finlandë.