Nuk mund të mungonte as këtë verë, neja “Shqip Hop” me muzikë 100% shqip, nga DJ-të më të mirë shqiptar. Kjo traditë e krijuar nga Zone Club sivjet vjen në ediconin e 7-të, me dj si: DJ FLOW, DJ PAMON, DJ DEEZY dhe DJ DIRTY. Eventi mbahet të dielën, më 6 gusht dhe nëse marrim për bazë edicionet e kaluara të Shqip Hop, atmosfera padyshim që edhe kësaj radhe do të jetë e zjarrët.
“Idea e këtij koncepti ka nis para 6 vitesh kryesisht me kërkesë të shokëve e shoqeve nga diaspora, edhe pas diskutimeve me ekipën e kemi pa që diçka e tillë përveç që është e mundur është edhe 100% origjinale. Është me t’vërtetë nejë e veçantë, prej hapjes së CLUB-it në ora 11:30 e deri rreth orës 5-6 mëngjes, të ketë 100% muzikë shqip, krijohet një atmosferë shumë e zjarrtë, n’shikim të parë kur e mendon nuk ta merr mendja që një nejë mundet me u mbajtë veç me hite shqip, po duhesh me kon në nejë për me pa se jo që është e mundur po edhe është prej nejave ma të mira”, tha Petrit Kllokoqi, pronar në Zone Club.
E veçanta e kësaj neje është se audienca dëgjon hitet e muzikës shqipe, kryesisht Hip Hop e RNB, prej atyre të viteve të 90ta e deri te këngët e publikuara së fundmi.