Presidentja e vendit, Vjosa Osmani ka thënë se zbulimi i mbishkrimit monumental në Ulpianë zbulon fragmente të qytetërimit tonë të lashtë.
“Çdo gërmim zbulon fragmente të qytetërimit tonë të lashtë”.
Osmani ka thënë se “Ulpiana është një udhëtim nëpër kohë që zbulon thesaret e fshehura të së kaluarës sonë”.
“Nga Mbretëria e Dardanisë e deri te Perandori Justinian janë shekuj të trashëgimisë sonë të prekshme, e cila ndërlidhë të tashmen tonë me të kaluarën e largët”, ka shkruar Osmani.
Presidentja e vendit ka shtuar se këto zbulime paraqesin evidenca të rëndësishme “për historinë e Dardanisë dhe dardanëve gjatë Antikitetit të vonë-Mesjetës së hershme”.