Kryetari i Partisë Demokratike të Kosovës(PDK), Memli Krasniqi, ka kujtuar veprimtarinë e shquar të Ukshin Hoti në 23-vjetorin e zhdukjes së tij.
Krasniqi përmes një postimi në Facebook, ka shkruar se profesori Hoti ka qenë intelektual i pazëvendësueshëm që me zë, shkrime e vepra, artikuloi idenë dhe punoi pareshtur për çlirimin dhe pavarësinë e Kosovës.
Sipas tij, Hoti me guximin e tij politik ka frymëzuar shumë breza intelektualësh e patriotësh shqiptarë.
“Fatkeqësisht, për më shumë se dy dekada, i njëjti regjim, që ka zhdukur në errësirën e krimeve të tyre edhe profesorin Ukshin, sot me një tjetër fytyrë, po e mban të fshehur të vërtetën e këtij rasti”, ka shkruar Krasniqi.
Po ashtu, edhe kryetari i Aleancës për Ardhmërinë e Kosovës(AAK), Ramush Haradinaj ka kujtuar veprimtarinë e shquar të Ukshin Hoti.
Haradinaj përmes një postimi në Facebook, ka shkruar se Ukshin Hoti ka formësuar mendimin politik shqiptar, ka promovuar etikën në politikë, dhe mbetet shembull për elitat politike të shqiptarëve.
“Në nderim të veprës së tij jetësore, sot i kam ndarë medaljen “ME BESIM NË ZOT, ATDHE E SHTET”, ka shkruar Haradinaj.
Liderët institucionalë përkujtojnë 23-vjetorin e zhdukjes së Ukshin Hotit