Problemet familjare mes Tush Frrokajt e Anton Prelës dyshohet të jenë motivi i vrasjes së këtij të fundit.
Pas më shumë se 1 jave në arrati e kërkimeve të shumta nga ana e institucioneve te drejtësisë, Tush Frroku i dyshuar për vrasjen e Prelajt u dorëzua në Polici.
Nga Policia kanë thënë se i njëjti është arrestuar, por avokati i Frrokajt, Gani Kelmendi thotë se ai është dorëzuar.
Kelmendi përmes telefoni ka treguar se gjendja e tij ishte e rënduar dhe se i njëjti kishte qëndruar në një shtëpi të pabanueshme në Burojë të Skenderajt.
E nga Prokuoria në Pejë, thonë se kanë kërkuar paraburgim për të dyshuarin, tek tregojnë për veprat që dyshohet ai.
“I njëjti dyshohet për 4 vepra penale, veprën penale “vrasje e rëndë”, veprën penale “shtrëngimi”, “armëmbajtje paleje” dhe “dëmtimi apo asgjësimi i pasurisë së huaj”, ka deklaruar Shkodran Nikçi, Zëdhënës i Prokurorisë në Pejë.
Nikci shton se gjatë kohës sa i dyshuari ishte në arrati janë kryer bastisje në shumicën e qyteteve të Kosovës, dhe se gjatë kësaj kohe kanë siguar dëshmi të mjaftueshme për të dyshuarin.
“Me të ndodhë kjo vrasje personi i dyshuar ka ikur nga vendi i ngjarjes, dhe prokurori i shtetit ka autorizuar policinë e Kosovës, që të shpallet në kërkim në mënyrë publike Tush Frroku, dhe njëkohësisht ka pasur kërkime intensive për kapjen e tij, janë bastisur dhjetëra lokacione në tërë territorin e Republikës së Kosovës, dhe besojm që kjo ka ndikuar që i njëjti të jetë prezent në procedurë penale.”, ka deklaruar Nikçi.
Anton Prela u vra në një kafiteri në qendër të Klinës, derisa i dyshuari për vrasjen e tij, që ishte familjar ishte i njohur për organet e drejtësisë.
Frrokaj ishte i ekstraduar nga Italia në Kosovë, pasi i njëjti akuzohej për vjedhje të rëndë.