Kryetari i Federatës së Futbollit të Kosovës (FFK), Agim Ademi, ka publikuar pamje nga punimet që po zhvillohen në stadiumin “Liman Gegaj” në Malishevë.
Në një postim në Facebook, i pari i FFK-së ka shkruar se një tjetër stadium po merr pamjen e duhur në Kosovë, e që sipas tij, ky më shpejt se 45 ditë.
“Kjo nuk do t’i prishë oraret e as planet tona që çdo 45 ditë të kemi nga një fushë të re futbolli në çdo cep e në çdo anë të Kosovës nga bashkëpunimi FFK dhe komunat,” ka shkruar Ademi.
Në fund, ai ka falënderuar edhe UEFA-në dhe FIFA-në për donacionet.
Për shkak të punimeve, skuadra e Malishevës do t’i zhvillojë ndeshjet e para si vendase në stadiumin e qytetit në Suharekë.