Drejtori i Arsimit në komunën e Deçanit, Besnik Hulaj, ka thënë se 1 shtatori është vendosur si data e fillimit të vitit të ri shkollor.
Ky vendim u mor sot, gjatë takimit të drejtorëve të Arsimit të kolegjiumit të Asociacionit të Komunave.
Hulaj për emisionin “Rreth e Rrotull” ka thënë se janë “ndjerë pak a shumë të ofenduar” të gjithë drejtorët e drejtorive të Arsimit, nga Ministria e Arsimit, e cila sipas tij “asnjë konsult nuk e ka bërë me asnjëri prej drejtorëve të drejtorive të arsimit prej komunave të Kosovës”.
Pas takimit, Hulaj ka theksuar se “puna e librave nëpër shkolla, ke problem i cili na preukopoj të gjithëve. Sepse ishte një vendim i ngutshëm dhe i shpejtë, por edhe i vonuar i ministres së Arsimit sa i përket nxënësve”.
Pas fjalës së kryetares së kolegjiumit për arsim, e cila vjen nga PDK-ja, ka reaguar drejtori i Arsimit në Podujevë, ku ka thënë që të mos bëhet çështja e librave temë politike dhe që të diskutohen çështje të arsimit që janë të rëndësishme.