Një pacient i Klinikës së Psikiatrisë ka vdekur si pasojë e një zjarri që ka ndodhur në një nga dhomat e kësaj klinike pas mesnatës.
Gazeta Shneta ka raportuar se edhe tre punëtorë shëndetësorë janë asfiksuar, por fatmirësisht janë në gjendje të mirë shëndetësore.
Sipas kësaj gazete ,thuhet se pacienti me sëmundje psikiatrike ishte i hospitalizuar në klinikë. Ai kishte dalë nga klinika në orët e vona të së mërkurës, ndërsa më vonë ishte sjellë nga Policia e Kosovës në emergjencën e Klinikës së Psikiatrisë.
Ende nuk dihet se si është shkaktuar zjarri.
Portali Dukagjini ka provuar të kontakojë me Policinë e Kosovës për të konfirmuar rastin, por të njëjtit deri më tash nuk janë përgjigjur.