Policia e Kosovës ka njoftuar se ka arrestuar personin e tretë me inicialet B.S, si vazhdimësi e arrestimit të E.S dhe B.K, nën dyshimet për “Keqpërdorim të pozitës apo autoritetit zyrtar” dhe “Keqpërdorim dhe mashtrim me prokurim publik”.
Sipas njoftimit i dyshuari është intervistuar në prezencë të avokatit mbrojtës dhe pas përfundimit të intervistimit me vendim të prokurorit kompetent i është shqiptuar masa e ndalimit prej 48 orësh.
Policia e Kosovës, të martën e javës së kaluar ka njoftuar se ka arrestuar dy persona të dyshuar, me inicialet E.SH. dhe B.K., nën dyshimin se kanë keqpërdorur detyrën zyrtare me qellim të përfitimit të kundërligjshëm për vete apo persona te tjerë.
“I dyshuari në bashkëveprim me persona zyrtar të komunës së Suharekës dhe menaxherin e kontratës pas përpilimit të procesverbaleve dhe situacioneve fiktive si dhe raportit fiktiv për kryerën e punëve lidhur me ketë tender, kompania ka lëshuar faturat për realizim të punëve me çka edhe janë realizuar pagesat nga komuna e Suharekës, ku në realitet punët apo shtrimi i rrugëve sipas kontratës nuk është realizuar”, thuhet në njoftimin e Policisë së Kosovës.