Është arritur të identifikohet dhe arrestohet njëri nga të dyshuarit për grabitjen e një banke në Prishtinë.
Siç njofton raporti 24-orësh i Policisë së Kosovës, të njëjtit i janë sekuestruar 5,810 euro.
“Është raportuar për një grabitje në një bankë, njësitë relevante policore kanë dalur në vendin e ngjarjes. Pas një pune operative është arritur të identifikohet dhe arrestohet njëri nga të dyshuarit mashkull kosovar, tek i cili janë gjetur dhe sekuestruar pesë mijë e tetëqind e dhjetë (5,810) € të cilat dyshohet se janë grabitur në bankë dhe të njëjtat mjete janë kthyer tek zyrtarët e bankës”, thuhet në raport.
Me vendim të prokurorit të shtetit, i dyshuari është dërguar në mbajtje.
Ngjarja ka ndodhur në sheshin “Nënë Tereza” në Prishtinë, pasditen e së premtes.