Policia të hënën e 4 shtatorit ka shpallur në kërkim të dyshuarin për vrasjen që ndodhi të dielën në “Lagjen Arbana” të Prizrenit.
Në njoftimin e policisë thuhet se i dyshuari me inicialet A.G, 51-vjeçar, ende nuk është arritur të lokalizohet.
“Janë njoftuar të gjitha pikat kufitare dhe stacionet policore në nivel vendi ngase i dyshuari dyshohet të jetë i armatosur dhe ndalimi i të njëjtit është me shkallë të lartë të rrezikshmërisë. Me qëllim të lokalizimit të vendqëndrimit të të dyshuarit dhe të arrestimit të tij sa më të shpejtë ,nga ana e Prokurorisë Themelore të Prizrenit lëshohet autorizim për publikimin e fotografisë së të dyshuarit”, thuhet në njoftimin e Policisë.
Gjithashtu është kërkuar edhe ndihma e mediave dhe qytetarëve që për çfarëdo informate për vendndodhjen e të dyshuarit të njoftojnë në stacionet policore.