Pas dënimit nga Gjykata Speciale të Nasim Haradinajt dhe Hysni Gucatit me nga katër vjet e gjysmë burgim, është paralajmëruar një protestë nga Faton Klinaku, ushtrues detyre i OVL-UÇK-së.
Ai ka thënë se Gjykata Sepciale është gjykatë politike dhe gjyqtarët e saj janë gjyqtarë të skandaleve.
“Ashtu siç e kemi konstatuar qysh në themelimin e saj se kjo gjykatë speciale është gjykatë politike e kemi ditur edhe që gjyqtari është gjyqtar i skandaleve siç e dini që ky gjyqtar ka kërkuar të dënohet Fatmir Limaj. Ne nuk e kemi njohur as nuk do të njohim këtë gjykatë me të gjitha mundësitë tona ne do ta pengojmë funksionimin e saj sepse krimet e luftës nuk i ndjek por i ndjek shqiptarët”, ka thënë Klinaku në një konferencë për media nga zyrat e OVL-UÇK-së.
“Në fillim kanë thanë të mos protestohet për shkak se këta shantazhuesit politik kanë thënë se drejtësia po pengohet. Edhe ata dëshmitarë që janë përmëndë janë kriminelët serbë”, ka vijuar ai.
Ai e ka kritikuar edhe Kuvendin e Kosovës ku edhe ishte votuar pro Gjykatës Speciale. Ai ka bërë të ditur se protesta do të jetë edhe kundër Kuvendit të Kosovës.
Është fatkeqësi që deputetët miratojnë gjykatë politike dhe edhe tash nuk marrin masa ndaj kësaj psudo gjykate. Ne si organizatë e veteranët e luftës nëse shokët tanë që janë atje thonë që duhet të protestojmë ne do të protestojmë por protesta kryesore do të jetë kundër Kuvendit të Kosovës e cila nuk bën asgjë në këtë drejtim qoftë për Gjykatën Speciale qoftë për krimet e luftës”, ka thënë Klinaku.
ysni Gucati e Nasim Haradinaj janë shpallur fajtorë nga Dhomat e Specializuara të Kosovës në Hagë.
Ish-kryetari i Organizatës së Veteranëve të Luftës (OVL-UÇK), Hysni Gucati, është dënuar me katër vjet e gjysmë burgim duke llogaritur kohën e kaluar në paraburgim.
Po ashtu, ish-nënkryetari i OVL-UÇK-së, Nasim Haradinaj, është dënuar me katër vjet e gjysmë burgim.