Gazetarët e sportit në RTV Dukagjini, ndonëse kanë aplikuar më kohë për akreditim, nuk janë njoftuar nga Federata e Futbollit të Kosovës nëse iu është pranuar kërkesa për të raportuar nga ndeshja që po zhvillohet në mes të Kosovës dhe Zvicrës, në stadiumin “Fadil Vokrri”.
E për këtë në “DuelinSportiv” ka reaguar profesori, Bylbyl Sokoli, i cili e ka cilësuar këtë veprim nga FFK-ja si jo korrekt.
“Mundem me fol për RTV Dukagjini, si media ma të shikuar dhe më e dëgjuar, nuk do të ishte korrekte kjo t’i ndalohet për me përcjell për së afërmi këtë takim… Po them sot nuk është koha të flasim për këtë, por them, se kjo nuk është korrekte dhe pres që televizionet e tjera të reagojnë për këtë mos akreditim”, ka thënë Sokoli.
Ndërkaq, edhe për trajnerin e futbollit, Ismet Munishi, kjo është çuditshme, pasi Dukagjini “është fuqi e madhe në botën e medias”.
“Televizioni i Dukagjinit ka fuqi të madhe në botën e medias, edhe këshilla e jem është që gazetarët të raportojnë pavarësisht a i pëlqejnë apo jo dikujt”, ka shtënë Munishi.