Njohësi i çështjeve të Ballkanit Perëndimor, Janusz Bugajski, ka reaguar për ngjarjen e së dielës në veri të Kosovës, ku një grup terrorist sulmuan Policinë e Kosovës, e për pasojë u vra rreshteri Afrim Bunjaku dhe disa u lënduan.
Bugajski duke iu referuar presidentit Aleksandër Vuçiq, është shprehur se “Përfaqësuesi i Moskës Vuçiq po përpiqet të prodhojë një skenar të Donbasit në Kosovë“.
Për më tepër, Bugajski ka bërë thirrje që ndaj Serbisë BE-ja e SHBA-ja të ndërpresin ndihmat financiare derisa Serbia të pranojë realitetin.
Tutje, Bugajski theksoi se trupat e NATO-s duhet vendosur në kufi dhe të konfiskojnë të gjitha armët nga separatistët serbë.
“Nëse Serbia nuk mund ta njohë realitetin, atëherë BE-ja dhe SHBA-ja duhet të ndërpresin ndihmën financiare, të vendosin trupat e NATO-s në kufi dhe të konfiskojnë të gjitha armët nga separatistët serbë. Përfaqësuesi i Moskës Vuçiq po përpiqet të prodhojë një skenar të Donbasit në Kosovë“, është shprehur Bugajski.
If Serbia cannot recognize reality then EU and US must cut off financial aid, emplace NATO troops on the border, and confiscate all weapons from Serb separatists. Moscow's proxy Vucic is trying to manufacture a Donbas scenario in Kosova. https://t.co/VFYBQZ6Y3N
— Janusz Bugajski (@JBugajskiUSA) September 24, 2023