Dy persona janë arrestuar në Istog, për pengim në punë të punëtorëve të një kompanie të kontraktuar nga komuna, si dhe për pengim e kanosje ndaj zyrtarëve policorë.
Sipas njoftimit, të arrestuarit nuk kishin lejuar operatorin ekonomik për kryerjen e disa punimeve me pretendimin se është pronë e tyre.
Ndërsa, të njëjtit thuhet se kanë kanosur edhe pjesëtarët e policisë dhe kanë dëmtuar xhamin e veturës.
“Janë arrestuar dy të dyshuar meshkuj kosovarë pasi që fillimisht kanë penguar punëtorët e operatorit ekonomik të kontraktuar nga komuna e Istogut, për kryerjen e disa punimeve, nën pretendimin se ajo pronë është e të dyshuarve, pastaj kur zyrtarët policorë kanë intervenuar janë penguar dhe janë kanosur nga të dyshuarit. Gjithashtu njëri nga të dyshuarit ka dëmtuar një xham të veturës së Policisë. Me vendim të prokurorit të dyshuarit janë dërguar në mbajtje”, thuhet në njoftimin e policisë.
Vendimi për dërgimin e tyre në mbajtje është marrë nga prokurori.