Ukraina thotë se ka rritur prodhimin e dronëve luftarakë

Ukraina ka rritur prodhimin e dronëve pasi Rusia nisi pushtimin, ka thënë kryeministri i Ukrainës, Denys Shmyhal

Kryeministri ukrainas Denys Shmyhal

Kryeministri i Ukrainës, Denys Shmyhal ka thënë se Ukraina ka rritur prodhimin e dronëve në vitin e fundit pasi Rusia nisi pushtimin.

Shmyhal të shtunën në Kiev ka thënë se 200 kompani kanë nisur prodhimin e dronëve të rinj luftues.

“Tani progresi i dronëve nga zhvillimi i tyre deri te blerja është shumë i shkurtër”, ka thënë Shmyhal, duke shtuar se industria ukrainase e mbrojtjes në mënyrë radikale ka ndryshuar qasjen dhe se kompania shtetërore e prodhimit të armëve, Ukroboronprom, është modernizuar.

Që kur Rusia nisi pushtimin e Ukrainës shkurtin e vitit 2022, dronët kanë ofruar një avantazh të madh në fushëbetejë.

Përderisa Ukraina fillimisht varej nga dronët e prodhuar nga kompania turke, Bayraktar, Rusia më vonë nisi të përdorte dronët iranianë, Shahed.

Muajve të fundit, sulmet me dronë në territorin e Rusisë janë shpeshtuar dhe janë tregues se Ukraina tani po prodhon dronë me rreze më të gjatë veprimi edhe pse sasia e eksplozivëve që bartin ende mbetet e vogël. /REL

Shija e redaktorit

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Shtëpia botuese “Dukagjini” propozon 9 libra që mund t’ju shoqërojnë...

Vera nuk është vetëm koha e pushimeve, por edhe e rikthimit te vetja. Në këtë periudhë kur ditët janë më të gjata e ritmi...

Të fundit nga rubrika