Prokurorja e specializuar, Kimberly West, nënshkroi të mërkurën një deklaratë solemne se ajo do t’i ushtrojë funksionet e saj në mënyrë të pavarur, të paanshme dhe me ndërgjegje.
Kështu bëhet e ditur në njoftimin e Dhomave të Specializuara të Hagës.
“West u përzgjodh për postin e Prokurores së Specializuar në qershor 2023 pas një procedure të organizuar nga Bashkimi Evropian. West është një prokurore amerikane me përvojë të gjerë si në hetimet për krime në nivel vendor ashtu edhe ndërkombëtar”, thuhet në njoftim.
West është prokurorja e specializuar e tretë, pas Jack Smith-it, i cili shërbeu si prokuror i specializuar në periudhën nga viti 2018 deri në 2022 dhe David Schwendiman, i cili shërbeu nga viti 2016 deri në 2018.