Forca e Sigurisë së Kosovës ka njoftuar se nga 25 deri më 27 tetor do ta realizojë ushtrimin fushor “Iron Wolf”.
Këtë e ka bërë të ditur përmes një postimi në profilin zyrtar të FSK-së në rrjetin social Facebook, duke shtuar se gjatë kësaj periudhe do të ketë lëvizje të konvojeve të FSK-së në drejtim të Gjakovës.
“E gjithë kjo lëvizje e trupave dhe makinerisë do bëhet me qëllim të realizimit të ushtrimit, andaj kërkojmë mirëkuptim nëse do të keni vonesa në komunikacion për shkak të lëvizjes së personelit dhe teknikës ushtarake në rrugët e Kosovës”, thuhet në njoftimin e FSK-së.