Qeveria e Kosovës ka mbajtur mbledhje elektronike të hënën, ku një ndër vendimet ka qenë ndarja e një milion e 675 mijë eurove për Trepçën.
“Qeveria e Republikës së Kosovës ka zhvilluar mbledhjen e njëqind e gjashtëdhjetetetë, në mënyrë elektronike, në të cilën ka shqyrtuar dhe miratuar: ndryshimin dhe plotësimin e Vendimit të Qeverisë Nr. 20/165 për emërimin e Komisionit për dhënien e provimit të Jurisprudencës; si dhe vendimin për ndarjen e mjeteve buxhetore në shumë prej 1,675,150 € (një milion e gjashtëqindeshtatëdhjetepesë mijë e njëqindepesëdhjetë euro) për ndërmarrjen publike TREPÇA Sh. A.”, thuhet në njoftimin e Qeverisë.
Në qeveri, po ashtu, u mor vendim për emërimin e Komisionit për dhënien e provimit të jurisprudencës.